عاجل.. أمير عزمي يرفض التشكيك في جروس ويكشف المستور عن المتآمرين داخل الزمالك
أكد أمير عزمي مجاهد المدرب العام السابق للفريق الأول لكرة القدم بنادي الزمالك، على أن التشكيك في الصحة العقلية للمدرب البرتغالي كريستيان جروس المدير الفني السابق للقلعة البيضاء، عدم احترام.
أمير عزمي مجاهد: التشكيك في صحة جروس العقلية قلة أدب
وقال أمير عزمي مجاهد في تصريحات تليفزيونية عبر برنامج الكورة مع فايق عبر قناة mbcmasr2: "التشكيك في الصحة العقلية لجروس، واللي اتقال عليه ده اسمه قلة ادب".
وتابع: "لما تقول الراجل بينسى أسماء اللعيبه دي اسمها قلة ادب وعدم تربيه".
وواصل: "في يوم من الأيام هيتم الكشف اللي قاموا بحملات ضد جروس في الزمالك، الراجل كان هارشهم كلهم وعارف مين بيضربه في ظهره".
وأوضح: "حد من جوا الجهاز الفني كان بيروح ويطلع للإدارة يشتكي منه في حاجات محصلتش اصلا".
واستطرد: "جروس في رأيي نجح مع الزمالك ولم يفشل زي ما بيدعي البعض، حد يقولي امتى الراجل ده لعب ماتش بكامل اللاعيبة، انت كل ماتش يا إصابة يا إيقاف".
وواصل: "الناس بتطلع تقطع في جروس وهو لحد 28 يناير مجالوش صفقه واحده في يناير، الراجل كان طالب حاجات كتيرة".
وشدد: "سمسار واحد بس اللي هيخلي الزمالك في خبر كان ومضيع الدنيا".
وأكمل: "عمالين نسمع أن الزمالك بيفاوض مدربين وطلبت من كابتن حسين لبيب يطلع يوضح وقالي بعد يوم 8 فبراير هطلع اتكلم".
وأردف: "جروس اتكلم في 13 مؤتمر صحفي، محدش لاحظ معلومة إنه بينسى؟ الكلام ده ماحصلش".
واختتم أمير عزمي مجاهد حديثه قائلًا: "كل الكلام اللي بيطلع عن جروس ده كدب ولم يحدث تماما".
