مصطفى يونس: أخبرت الخطيب أنني أتمنى رؤيته أفضل من صالح سليم
تحدث مصطفى يونس نجم الفريق الأول لكرة القدم بنادي الأهلي ومنتخب مصر السابق عن علاقته بمحمود الخطيب رئيس مجلس إدراة النادي عندما كان لاعب وقائد للمارد الأحمر.
وقال يونس في تصريحات له ببرنامج اللعيب مع مهيب عبدالهادي: "كل الأجيال اللي سبقونا اتعلمنا منها وبحب صالح سليم عشان عنده صدق وامانة وعشقه للنادي الأهلي وأنا بعشق تراب النادي ولما الخطيب أول مرة نجح وكنا زعلانين أنا ومصطفى عبده وعبدالعزيز ومختار وصحابنا كلهم كلموني رحت جرى تاني يوم تعب وشوبير كلمني الخطيب تعبان وراح المستشفى".
وأضاف: "اليوم ده جريت على المستشفى وقعدنا وفتحنا كل حاجة وقولتله أنا عايزك تبقى أحسن رئيس نادي جيه في تاريخ النادي الأهلي وبالنسبالي صالح سليم ده في حته لوحده ومش عايز أشتغل في النادي وأنا خليني الوجه التاني زي ما أنا علطول".
واختتم: "أنا بدافع عن النادي الأهلي مش عشان مبشتغلش ما محمود طاهر مشغلنيش وبالنسبالي هو سوبر وشيك وأنا هغير من الخطيب حد يغير من نفسه وأنا لما اجي اقوله عايزه أحسن من صالح سليم اللي هو بالنسبالي نمبر وان في الإدارة والشخصية وعشقه للأهلي ورغم اختلافنا محدش يقدر يتكلم عنه وأنا قاعد وحزين على اللي بيحصل في سوشيال ميديا وأنا مبتكلمش لما الأهلي بيكون واقع زي دلوقتي كدة والمكسب هو اللي بيغطي لكن كله بيعدي ساعتها لما بتخسر كل حاجة بتبان وقولتله في المستشفى خليني مرايتك زي ما انتا مرايتي وعايزك تعدي حسن حمدي وصالح سليم ويكون أسطورة في الإدارة".
