عاجل- "فعل غير مهني واحرج الكثير من الزملاء".. السيناريست محمد أمين راضي يوجه رسالة نارية إلى محمد سلام بعد اعتذاره عن مسرحية زواج اصطناعي

عاجل- "فعل غير مهني واحرج الكثير من الزملاء".. السيناريست محمد أمين راضي يوجه رسالة نارية إلى محمد سلام بعد اعتذاره عن مسرحية زواج اصطناعي..هاجم السيناريست محمد أمين راضي، موقف النجم محمد سلام من اعتذاره عن المشاركة في عرض مسرحية "زواج اصطناعي"، والتي من المقرر إقامته غدًا في المملكة العربية السعودية، ضمن فعاليات موسم الرياض 2023.

وكتب محمد أمين راضي عبر صفحته على "فيسبوك": "مش قادر فكرة إني علشان بحب محمد سلام جدا فأقرر ما قولش رأيي بصراحة مضايقني من أول ما قولت لنفسي كده امبارح، لأن على الجانب الآخر ما صلاح الجهيني صاحبي، بس حقيقي بعيد بقى عن المحبة والصداقة".

"فعل غير مهني واحرج الكثير من الزملاء".. السيناريست محمد أمين راضي يوجه رسالة نارية إلى محمد سلام

وتابع محمد أمين راضي حديثه عن محمد سلام قائلًا: "اللي عمله سلام فعل غير مهني بالمرة، حتى ولو مشاعره صادقة، كان عادي يعتذر من أسبوع، مش قبلها بيوم، وكان عادي خلاص برضه ده يحصل بصمت، دون أي فيديوهات تحرج زمايله اللي موجودين حاليا، وبتحرج اكتر اللي هيجي بعده، خصوصا أن صار العرف أن الواحد بيعمل الفيديوهات اللي بيوضح فيها موقفه للناس اللي هو عامل حاجة غلط في حقهم أو اللي زعلانين منه، اللي همه في الحالة دي".

وأضاف محمد أمين راضي: "الجمهور اللي قطع التذاكر بناء على الإعلانات اللي هو موجود فيها لحد امبارح، وطبعا الفيديو المعمول مش موجه خالص للجمهور اللي بتكلم عليه، والأهم بقى من كل ده وفوق كل ده الفن مش رفاهية الفن مش رفاهية أو شيء ممارسته تسيء وتقلل من هيبة الحزن، ومش هتكلم خالص عن خصوصية الفن ودوره خالص".

"فنانين دفنوا أبوهم وطلعوا على المسرح"..السيناريست محمد أمين راضي يفتح النيران على محمد سلام بعد اعتذاره عن مسرحية زواج اصطناعي

رشا مهدي مطلوبة عبر منصة اكس بسبب محمد سلام

فعل غير مهني.. السيناريست محمد أمين راضي يهاجم محمد سلام

تضامنًا مع غزة.. محمد سلام يعلن انسحابه من "زواج اصطناعي".. ويؤكد: "مش هقدر أكمل"

‏الكرملين: روسيا تعتزم مواصلة لعب دور في السعي لتحقيق سلام بين إسرائيل والفلسطينيين

وواصل محمد أمين راضي: "انا مش هتكلم إلا على كونه مهنة ما فيش أي مهنة بيتطلب منها أو بيتطوع صحابها من نفسهم بالتوقف عشان الظروف إلا إحنا ما قبلتش أنا حد في بنك قرر يستقيل عشان خاله مات مثلا وحقيقي أنا مش فاهم إيه اللي حصل أنا واحد اتربى على جيل من الفنانين كانوا بيتفاخروا بأن أقرب الأقربين ليهم ابوهم مات وهمه دفنوه وطلعوا على المسرح علشان عندهم ميعاد خشبة مسرح وعندهم جمهور قاطع تذاكر واحترامه شيء مقدس سيد مكاوي وآخرين كان بيسافر الجبهة بتاعت الحرب عندنا إحنا علشان يعملولهم حفلات مخصوص لرفع من روحهم المعنوية فإللي إحنا بنتكلم فيه لا هو بدعة ولا أفورة مننا في حقيقة الأمر انتوا".

اعتذار محمد سلام عن مسرحية زواج اصطناعي

يذكر أن أعتذر محمد سلام أمس عن المشاركة في عرض مسرحية "زواج اصطناعي"، بسبب الأحداث المأساوية التي تحدث في قطاع غزة على يد الاحتلال الإسرائيلي، مما أحدث حالة من الجدال عبر مواقع التواصل الإجتماعي، وانقسم الجماهير والنقاد والفنانين إلى مؤيدين ومعارضين لموقف محمد سلام.