لأول مرة.. أحمد حلمي يكشف سبب رفض والدتها العيش معاها في نفس المنزل
أحمد حلمي يتحدث: "ملحقتش اشبع من أبويا ومكنتش يخرج مع صحابي بسبب قلة الفلوس"
أحمد حلمي يتحدث: "ملحقتش اشبع من أبويا ومكنتش بخرج مع صحابي بسبب قلة الفلوس"..تحدث النجم أحمد حلمي عن العديد من الأسرار في حياته المهنية والشخصية، وذلك من خلال لقائه في برنامج "ABtalks"، والذي يقدمه الإعلامي أنس بوخش عبر يوتيوب، كما كشف أحمد حلمي عن المهن التي امتهنها قبل عمله في مجال التمثيل.
وسرد أحمد حلمي كواليس معاناته المادية منذ صغره قائلًا: "عشت في ظروف مادية صعبة جدًا منذ الصغر، والدي كان يعمل في السعودية لمدة عشر سنوات، ولما رجعنا مصر حاول يستثمر أمواله ولكنه فقده، مما دفعني إلى الاعتماد على نفسي، وعمري ما اتخيلت أن هيبقي معايا فلوس أو هكون مشهور، وكنت أحيانا بهرب من الخروجات بسبب إني مش معايا فلوس".
و أكمل أحمد حلمي حديثه عن المهن التي امتهنها قبل دخوله عالم التمثيل قائلًا: "اشتغلت اكتر من شغلانة أثناء دراستي، منها اني كنت برسم على الزجاج في المحلات وعملت ديكورات للمسرح، واشتغلت في مطبعة الملابس، وكان نفسي ابقي بعرف لغات من وأنا صغير أو بسافر كتير زي صحابي".
"كنت عايش قصة حب مع خالة صحبي".. أحمد حلمي يكشف كواليس فترة شبابه قبل بدايته في التمثيل
وتابع أحمد حلمي حديثه بكشفه عن مواقف من طفولته قائلًا: "كنت في مرة عايش قصة مع خالة واحد من صحابي وكنت فاكر أنها قصة حب حقيقية وكان عندي وقتها 6 سنين، ومرة تانية فقدت صوتي بعد ما أخويا رمي المسحوق".
وأكمل أحمد فهمي حديثه عن فترة طفولته قائلًا: "أحيانًا اتمنى اني أرجع صغير عشان اعيش حاجات ملحقتش اعيشها في طفولتي أو عشان ارجع أكرر حاجات حبتها، أنا أبويا مات وملحقتش أشبع منه ولا اعيش معاه مرحلة الصحوبية، ومكنتش بشوف أهلي كتير عشان كنت بدرس في القاهرة وهما كانوا قاعدين في بنها، ملحقتش أحكي لابويا وأتكلم معاه، ملحقتش اخطف من وقت أبويا كتير واتمني أنه يرجع".
أحمد حلمي يكشف كواليس معاناته أثناء فترة مرض والده
وأردف أحمد حلمي حديثه عن فترة مرضه والده قائلًا: "أبويا مر بفترة صعبة بسبب مرضه، وفترة مرضه كانت صعبة عليا جدًا لاني حسيت بالعجز، وابويا مشفش حد من ولادي إلا بنتي الكبيرة وكان وقتها عندها تلات سنين".
و كشف أحمد حلمي عن سبب رفض والدتها العيش معاها قائلًا: "حاولت بعد وفاة والدي اجيب امي تعيش جنبي ولكن دائمًا كانت بترفض، وامنيتي أنها تبقى ساكنة في الشقة اللي جنبي، ولكن انا احترمت رغبتها لأنها عايزة تفضل في بيت ولدي، وأنا لا يمكن اكون اناني".
