نصيحة للبنات
أنا كنت بعيده عن ربنا بس أهلى ماتزمين وأمى ست طيبه جدا جدا بس أنا كان ليا أصحاب بعاد كل البعد عن ربنا وكنت بعرف شباب كتير وكتير منهم كان بتقدم بخطبتى وكنت بشرب مخدرات أنا وكل أصحابى من البنات و الشباب وعمرى ما تعلقت بحد ولا بعمل حساب لحد ولا أسمع كلام حد غير كلام نفسى وبس وكتير كنت بسيب بيتى وأقعد عند أحد أقاربى لأن بنتها كانت من أصحابى وكل أولادها بايظين وعندما أتممت 24 وكان بعد عيد ميلادى بيوم قابلت شاب كنت أعرفه سابق عن طريق أخوه كان أحد أصدقائى بدأت علاقتى بيه وتعلقنا ببعض بشدة وكنا قريبين جدا من بعض وهو الشخص الوحيد الذى حبيته من كل قلبى وتمنيت أرضائه بأى شكل وكنا من أول يوم يقابلنى لغاية ماتطور الموضوع ونامنا مع بعض أكثر من مره وحدث الذى لم أتوقعه أبدا وأصبحت مدام فى الأول كنت شكه عشان الموضوع حصل بصعوبه وعشان كان بيقولى أنتى ضايقه قوى وممكن يكون غشاء البكارة بتاعك مطاطى وبعد كده بحوالى أربع شهور أصبحت حامل وطبعا نزلته وفى ذلك الوقت بدأت أقرب لربنا وأحفظ قرأن وفقت من اللى أنا فيه وبأت بخاف من ربنا قوى وندمت على كل شىء أنا عملته وكان هو بيقولى مش حينع نتجوز عشان أنا كنت أعرف أخو ولقيت أنى عماله أضحى أزرع فى أرض مش أرضى فبعد عنه لما بعدت أكتشف أنه مش عارف يعيش من غيرى بعد كده تبت إلى الله توبه ناصحوه عشان ربنا يكرمنا وأحوال أهلة تتغير ويوفقوا عليا عشان أخو كان مشوه صورتى أدام ماماته وهى كانت رافضنى برغم أنها عارفه ألى حاصل ما بينى وبين أبنها وما خافتش ربنا عشان هى عندها ولاد مش بنات وفاضلنا مع بعض عشان كنا بنحب بعض جدا وكنت دايما أقوى وأقف جمبه وكان بيقولى أنتى اللى علمتينى ان الحب عطاء بس كان بتحصل مشاكل ما بينى وما بينه زى أى مشاكل بتحصل مابين اتنين بيحبو بعض والله كنت بحبه وبخلص ليه لدرجة أنه كان بيقولى اتى احن عليا من أمى وبعد زن ماماته وأخوه سبنى بعد كل ده وقالى أنا أهلى مش موافقين أنا أستحملت اللى ماحدش يستحمله منه عشان كنت بحبه وعشان عرفت أنى الغلطه دى لازم أتعاقب عليها مهما كان أنا أتبهدلت منه كتير لدرجة أن كل اللى يعرفنا يقولى ماحدش يصبر الصبر ده وبقول معلش عليه لود أهله وبعد كده سبنى وماخفش ربنا فيا أنا مش ببكى عشان اللى أنا فيه وبس عشان أنا لوحدى ماقدرش أحكى أو أتكلم مع حد وأقوله على اللى أنا فيه حتى أنا مبأش ليا صحاب عشان كلهم كانو أصحاب سوء وبعدت عنهم . أناخسرت نفسى وكرامتى وقلبى وخايفه من بكره ومافيش حد يقولى معلش أنا بقرب من ربنا ووصلت فى حفظت فى القران عم وتبارك ووصلت للبقره نفسى ربنا يسمحنى وأعرف أعمل إيه مع العلم أنى رافضه تماما عملية ترقيع البكارة لأنى مش حقدر أغش حد وربنا يحسبنى على كده مع العلم أنى جربت مع واحد كان بيحبنى وكان عايز يتقدملى قبل معرفتى بالشخص اللى حصل معاه كل ده وقابلته وقولتله اللى حصلى وبعد ما تقبل الموضوع رجع بعد عنى وأنا ماحولتش أعرف السبب عشان أنا عرفه أنا لسه بحب الشخص اللى حصل مابينى وبينه كده وماتخيلش أن حد غيره ممكن يتجوزنى أو يلمسنى غيره واللهم لا أعتراض على حكمك يارب .أرجو الدعاء أن ربنا يفرج همى وكل بنت تقرأ الرساله تعرف أن الشخص اللى معاكى لو بيحبك حيحافظ عليكى ومش حيطلب منك أى حاجه تغضب ربنا أبوس أيد كل بنت تفوق عشان مفيش أحساس أسوأ من اللى أنا عايشه فيه.
