10 حاجات "أمك" مخبياها عنك لازم تعرفها
1- أمك بكيت بسببك كتير بس انت مشفتهاش ولا مرة وكنت فاكر ساعتها أن محدش حاسس بيك.
2- أمك كان نفسها في الحتة اللى ادتهالك بس سابتها لك وهى فرحانة.
3- أمك عارفة انك بتحب حبيبتك اكتر منها ... ولسه بتحبك برضه اكتر من حبيبتك.
4- أمك راقبتك كتير وبصت عليك وانت نايم ... بحق وحقيقى مش مشهد في فيلم.
5- أمك قلبها اتكسر بجد لما شافتك بتعيط وموجوع ... بس ضحكت قدامك عشان تضحكك.
6- أمك اتخبطت واتعورت واتلسعت كذا مره وهى بتطبخ لك بس مابينتلكش وكان عندها الأهم أن الأكل هيعجبك ولا لأ.
7- بنسبه 90% من احترام قرايبك واعجابهم ليك بسبب الكلام الحلو والمدح اللى بتقوله أمك عنك من وراك قدامهم.
8- أمك بتحبك اكتر من أى حد فى الدنيا وممكن كمان اكتر من أبوك.
9- أمك مستعده تعمل اللى فوق ده كله 100 مره وتفضل مخبيه عليك.
10- أمك مش مستنيه مقابل للحاجات دى كلها ولا عايزه تمسك مايك وتقول شوفو يا ناس انا بعمل ايه ... أصلها بتحبك عشان بتحبك مش عشان مستنيه منك حاجة.
أمك هى معنى كل حاجه حلوه فى حياتك ، اللهم احفظ أمهاتنا جميعا وارحم من مات منهم.
