أحمديات: بغير عليها

مازالت الكلمة حائرة بين مفهوم لم يقصد ومقصود لم يفهم فاجعل كلمتك بسيطة حتى يفهم مقصدها.
بين سخرية بجدية
تاتى مقالاتى كإبرة خفيفة
فى وريد مقصدها.
من الإعلاميين من الصحفيين من المذيعيين من المعلقين من اللاعبيين من الفنانيين من المطربيين من المهاجريين اللى عامليين سياسيين اللى اتجنسوا بجنسية تانية وبيجيبوا سيرتها
لما كل واحد يسافر هناك أو عندهم
ويرجع يتغنى بهم وجمالهم
على قدر ما أخذ منهم.
ويرجع يلطم على اللى عندنا ووضعنا
وهاتك يا تلسين وتوبيخ وتقذيم
ياسيدى مالكش دعوة احنا راضيين
وبنكلم بعضينا مننا فينا انت خلاص مابقتش منيننا فبلاش تتكلم علينا عندنا رموزنا وابطالنا على وضعهم وتاريخهم وعظمتهم راضيين بينا واحنا مع بعضينا فرحانيين وبنغنى وبنفتخر بيهم وهما لينا
مالكش دعوة خليك مع اللى بيدفع لك عشان تقول اللى مش فينا.
وتبسطه وتلمعه اللى مالوش تاريخ ولا ذكرى الا يتغنا بينا معندوش
مالوش تاريخة كلة بيحكى عنيننا
ارجوك مالكش دعوة بيننا
همنا وفرحنا وحزننا على قدنا
واحنا اولى بينا مابنحبش حد بقى
غريب عننا يدخل وسطنا بغير عليها
وغيرتى تقيلة هى اللى حيلتى
وعايش فى اراضيها بتعطف عليا
وبعطف عليها ماتخشش فى وسطينا
وتتكلم علينا.
فننا طربنا لاعبين ابطالنا فنانينا
تاريخ مكتوب فى الصخور مش مستنيك تعلق علينا بشوية فلوس
غيرت وجهتك وبقيت بتتكلم علينا
بغير عليها ومش لوحدى.
ده مية مليون لما نشيل منهم اللى زيك مش حيصعب علينا ملكش دعوة بيننا كلكم معروفين خلاص.
واسمكم منور فى قبور اراضينا
نوركم انطفا وقلوبكم بقت غليظة
عقولكم تاهت بعد مادفع اللى شاريها
بلاش عشان بغير عليها
تحياتى ومن عندياتى.
قرمشة

يومًا ما حين تكون الأمور بخير سننظر إلى ماضينا ونشعر بفخر أننا لم نستسلم
الشيخ الشعراوى كان بيقول قد تأتيك النعمة لأنك تمنيتها لغيرك اتمنو الخير لبعض.
أحيانًا تخسر أشياء ليس لأنك أهملتها بل لأنك حافظت عليها أكثر مما ينبغي
لا تدع كلبا يشم خوفك ولا إنسانًا يشم إحتياجك فكلاهما سيعضك
إلى اللقاء..