أحمديات: عباس عباس عباس انتخبوني ياناس
مازالت الكلمة حائرة بين مفهوم لم يقصد ومقصود لم يفهم فاجعل كلمتك بسيطة حتى يفهم مقصدها.
عباس عباس عباس انتخبوني ياناس
هو مين عباس ده معرفوش
ساكن فين معرفش بيشتغل ايه معرفش طيب تبع مين برضه معرفش هو ايه كل اللي عامله ده
كل ده عشان يدخل المجلس
وفجأة عربية كبيرة وميكروفونات عالية وزفة ضخمة.
عباس عباس عباس انتخبوني ياناس
وفي اخر الزفة شادر كبير مليان ناس دخلت الزفة ونزل منها بدلة فخمة توجهت للمنصة ومسكت الميكروفون وبصوت عالي عباس عباس عباس انتخبوني ياناس فلوس واديت لكم كراتين ماحوشتش حاجة عنكم بطاطين على الشتا حتكون عندكم ومساعدة مش حتتقطع عنكم ايه رايكم في حد عمل برنامج زي ده.
الكل بصوت عالي عباس عباس عباس انتخبوه ياناس وكمل حديثه عارفين لو مانجحتش حموت نفسي لو منجحتش مش حخدمكم لو منجحتش حبهدلكم لو منجحتش مافيش أي خير ليكم.
عباس عباس عباس انتخبوه ياناس
أنا حطيت على كل شبر في الدايرة إعلان ويفط كبيرة كلفتني ملايين الجنيهات الدايرة ومعالمها مش باينة على الحوائط والأسقف والمحلات والأسطح والشوارع غرقانة يفط أعمل ايه تاني
عباس عباس عباس انتخبوني ياناس.
لاحول الله هي دي الندوة هو ده البرنامج هو ده المرشح ياسيدي ماتدقش اهو نموذج وفي نماذج افضل وفي نماذج اقل من كده كمان المهم وعي الشارع هل متوفر الوعي الكامل سكت ليه اكيد مش مطمن للوعي مش عارف
وفجأة تاني عباس عباس عباس انتخبوني ياناس.
تحياتي ومن عندياتي.
قرمشة
عباس عباس عباس انتخبوني ياناس
عباس عباس عباس انتخبوني ياناس
عباس عباس عباس انتخبوني ياناس
عباس عباس عباس انتخبوني ياناس
معلش اليومين دول مقرمشة
إلى اللقاء.
