قبل شم النسيم.. 5 علامات تكشف الفسيخ والرنجة الفاسدة
يبدأ المواطنون في شراء أسماك الرنجة والفسيخ، بينما لم يتبق سوى أيامٌ معدودة على شم النسيم، ويعد الفسيخ والرنجة من الأطعمة المفضلة عند الكثيرين من الأشخاص في هذا اليوم، لذلك يجب الانتباه جيدًا عند شرائه، لتجنب الأنواع الفاسدة.
في هذا السياق كشفت "وزارة الصحة والسكان"، عبر صفحتها الرسمية على موقع فيسبوك، علامات تكشف الفسيخ والرنجة المعدة بطريقة غير جيدة.
وجاءت العلامات فيما يلي:-
- جسم السمك مهتري.
- تصدر منه روائح غريبة.
- جسم السمكة غائر بمجرد الضغط عليه ضغطة خفيفة.
- خروج بعض الإفرازات من جسم السمكة خاصة من الرأس والخياشيم.علامات الفسيخ الفاسد
- ريحة نفّاذة وكريهة جدًا (مش ريحة السمك المعتادة): لو الريحة قريبة من الزنخة أو فيها شبه من العفن، امشي بسرعة.
- اللون: الفسيخ المفروض لونه ذهبي أو فضي على الجلد، لكن لو لقيتي لون الجلد مائل للاخضرار أو فيه بقع سودة، ده إنذار.
- اللحم طري بزيادة أو مهري: المفروض يكون قوامه متماسك. لو بيدوب في إيدك أو ريحته طالعة من مسافة، كده مش نضيف.
- العين غائرة أو غامقة جدًا: علامة إنه متخزن بقاله كتير أو فسد.
- وجود إفرازات مخاطية أو رغوة: علامة على التلوث.
ثانيًا: علامات الرنجة الفاسدة
ريحة غريبة أو حامضة: الرنجة بتبقى مدخنة وريحة الدخان واضحة، لكن لو ريحتها واخدة سكة الزنخة أو فيها حمضية، ارميها.
الجلد مشدود ولا مكرمش؟: الجلد لو باين عليه جفاف أو مكرمش جامد، يبقى قديمة أو خربانة.
لون اللحم من جوه: لو فتحتيها ولقيتي لون اللحم غامق جدًا، رمادي أو مائل للاسوداد، دي مش كويسة.
ملمس لزج أو مخاطي: أي ملمس غريب أو لزق على إيدك؟ علامة فساد.
طعمه غريب أو لازع بزيادة: لو طعمها مختلف عن العادي أو لازعة بشكل غير طبيعي، ما تكمليش.
