"ادعت تعدي أبويا عليها وكانت سبب في طلاق أمي".. ننشر أقوال المتهم بقتل شقيقته خنقًا بالصف| مستندات

حصل موقع "الفجر" على أقوال المتهم بقتل شقيقته خنقًا حتي الموت بسبب شكه في سلوكها بالصف، وذلك في القضية رقم 4761 لسنة 2024 جنايات الصف.

أدلى المتهم باعترافات تفصيلية أمام جهات التحقيق وجاءت كالتالي: 

س: ماهي تفصيلات اعترافك تحديدا؟

انا الأخ الكبير على ثلاث بنات ومعايا أخ صغير تانى لسه متجوز وحصل مشاكل بين أبويا وأمي بسبب أختى فرح رمضان حسين على عشان ادعت على أبوها إنه اتهجم عليها، وده كان سبب في إن أمي تطلب الطلاق من أبويا واطلقت ورفعت قضايا على أبويا.

وأكمل المتهم أمام جهات التحقيق: أختي فرح مواليد ۲۰۰٤ وأنا وهي اتجوزنا في يوم واحد ١٤-٨-٢٠١٩م وهيا راحت قعدت في قرية اسمها منيا الصف ومعداش 4 شهور وغضبت وجات بيت أبويا وحطت دماغها في دماغ مراتي، وجيت في يوم وهي غضبانة وقاعدة في بيت أبويا وأنا راجع من الشغل طالع شقيتى فوق بيت أبويا وأمي، لقيت الباب مفتوح ومراتى دعاء مش فيه ولقيت ورقه على التلفزيون مكتوب فيها أنا دعاء ومشيت أنا وأختك فرح ومش هترجع البيت إلا لما أبوك يسيب البيت عشان أبوك بيتهجم علينا احنا الاثنين.
 

وتابع إسلام المتهم بقتل شقيقته: فضلت أسبوع أدور عليها وجبناهم وعرفنا إنهم كانوا هاربين مع واحد في إسطبل عنتر وقاعدين أسبوع معاه في الشقة وأول مارجعتهم طلقت مراتي، وسبت أختي اطلقت هي كمان من جوزها وجالها عريس ثاني بعد عدتها على طول واتجوزت، وراحت قعدت معاه في التنين ومكملتش ست شهور وجت برضوا بيت أبوها واتخانقت مع أبويا بسببها عشان هو يساعدها إنها تغضب وتسيب بيت جوزها، وسبت له البيت ومشيت أنا وأمي وإخواتي البنات روان عندها ٧ سنين وروضة ١٣ سنة، وروحت قعدت في الشرفا وسكنت في بيت خالي وأخذته منه إيجار لأمي وإخواتي والكلام ده كان في ۲۰۲۰.

وتابع المتهم بقتل شقيقته: عرفت وأنا سايبهم إنها اتطلقت من جوزها الثاني روحت اتكلمت مع أبويا تاني وقالي ملكش دعوة ده بنتى وأنا حر فيها وقولتله خلاص براحتك وسيبتهم وبلغت أعمامي باللي بتعمله.
 

أحالت النيابة العامة المتهم "إسلام.ر"  لمحكمة الجنايات المختصة بدائرة محكمة استئناف القاهرة بعد أن وجهت إليه تهمة قتل شقيقته، وذلك على خلفية التحقيقات في القضية رقم 4761 لسنة 2024 جنايات الصف.

ألقى رجال المباحث بمديرية أمن الجيزة، القبض على شاب، لاتهامه بقتل شقيقته، بسبب شكه في سلوكها حتي قام بخنقها حتى الموت في الصف، وتم إحالته إلى النيابة المختصة للتحقيق.

ورد بلاغا لمديرية أمن الجيزة، بالعثور على جثة فتاة داخل مسكن أسرتها في الصف، حيث انتقلت قوة أمنية لمكان العثور على الجثة، وتبين مقتل فتاة على يد شقيقها، حيث خنقها نتيجة خلافات أسرية.

ألقى رجال المباحث القبض على المتهم، وحُرر محضرا بالواقعة، وتولت النيابة المختصة التحقيق