معترض على تربية كلاب في العمارة.. ننشر أقوال المتهم بقتل جاره بالجيزة (خاص)
حصل موقع "الفجر" على أقوال المتهم بقتل جاره لاعتراضه على تربية كلاب في عمارتهم بالجيزة.
جاءت أقوال المتهم "إسماعيل.ح" 47 سنة فني بشركة بترول، في تحقيقات النيابة العامة في القضية رقم 6361 في القضية رقم 2023 جيزة، كالتالي:
س: ما الذي حدث وماهي ظروف ضبطك وعرضك علينا ؟
اللي حصل ان في مشاكل وخلافات بيني وبين جاري المتوفي "رافت منسى"، بسب ان انا مربي كلاب عندي في الشقة، وهو ساكن في الشقة اللي فوقيا في نفس العمارة وكل ما يشوفني يتخانق معايا بسبب الريحة والصوت بتاع الكلاب ولكن أهالي المنطقة والجيران بيهدوا الدنيا ما بينا والنهارده وانا نازل من الشقة لقيت رافت نازل من الشقة بتاعته ومعاه اتنين معرفهمش وبیشتمنی وبيقولي انا مش قولتلك الكلاب دي تمشيها وبعد كده انا سببته ونزلت على السلم وهو نزل ورايا هو والاثنين اللي معاه ووقفوني في مدخل العمارة تحت ومسكنا في بعض انا ورافت وواحد من الاثنين اللي كانو معاه اللي انا معرفهمش طلع من جيبه فرد خرطوش، وبيقولي أثبت يالا.
وأضاف المتهم: ساعتها رأفت كان طلع ووقف في الشارع قدام مدخل العمارة اللي احنا ساكنين فيها رحت انا رايح علي اللي ماسك الفرد ومسكت ايده وبلقها علشان اتفادي الفرد راحت طلقة طالعه منه، وجت في نص صدر رافت، وبعدها قعد يلف بره في الشارع ووقع وبعدها لقيت الناس في الشارع عمالين يقولو موت رأفت ويصوتوا، وانا قعدت في مدخل السلم والشخص اللي كان ماسك الفرد رماه جنبي وطلع يجري هو والثاني اللي كان معاه، ومعرفش راحوا فين ولا اعرف هما مين، وفضلت قاعد مستني الحكومة تيجي والحكومة جت فعلا وفتشوني وملقوش معايا حاجه وخدوا الفرد وبعدها طلعنا علي القسم وجيت علي هنا.
كان المستشار محمود غيطاس
المحامي العام لنيابات كلي جنوب الجيزة، أحال المتهم إسماعيل.ح 47 سنة فني بشركة صيانكو للبترول، لمحكمة الجنايات المختصة بدائرة محكمة استئناف القاهرة، بعد أن وجهت إليه تهمه القتل العمد.
جاء في أمر الإحالة في القضية رقم 20088 لسنة 2023 جنايات الجيزة، أن المتهم قتل المجني عليه "رأفت منسي" - عمدًا مع سبق الإصرار وذلك بان بيت النية وعقد العزم على
قتله وأعد لذلك الغرض سلاح ناري، وتوجه إلى المكان الذي أيقن سلفا بتواجد المجني عليه، وما أن ظفر به حتى أطلق صوبه عيار ناري بصدره قاصد من ذلك ازهاق روحه فأحدث ما به من إصابات موصوفة بتقرير الصفة التشريحية والتي أودت بحياته.
كما أحرز سلاح ناريًا أحرز ذخائر ( طلقه خرطوش) مما تستخدم علي السلاح محل الاتهام الأول دون أن يكون مرخصًا له بحيازتها أو إحرازها.
بناء عليه الجناية المؤثمه بالمواد ۲۲۰، ۲۳۱ من قانون العقوبات والمواد ۱۰۱/۱، ۱/۲۹ ۱ ۲۰۰ ۱۹۷۸، ١٦٥ لسنه ۱۹۸۱ ٦۰ لسنة ٢٠١٢، ١٦٣ لسنة، يكون المتهم قد ارتكب من القانون رقم ٣٩٤ لسنه ١٩٥٤ المعدل بالقوانين رقمي ٢٦ لسنه ۲۰۲۲ والجدول رقم ( ۲ ) الملحق بالقانون الأول.
