هبة قطب: زوجي مستمع جيد ومش كل الرجالة كده..وهو جزء ضخم من نجاحي
هبة قطب توجه رسالة مثيرة للجدل لـ الأزواج: "اليوم اللي هتبطل تبوس مراتك هيدق ناقوس الخطر"
هبة قطب توجه رسالة مثيرة للجدل لـ الأزواج: "اليوم اللي هتبطل تبوس مراتك هيدق ناقوس الخطر"..كشفت الدكتور هبة قطب، عن قصة تعارفها على زوجها مؤكدة أنه كان الحب الأول في حياتها، من خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير "يوتيوب"، وحرصت هبة قطب من خلال هذا اللقاء على توجيه نصيحة إلى الأزواج.
وبدأت هبة قطب حديثها عن الحب قائلة: "الثقة والكرامة عندي خلقة، ودي عندي من سنة 4 سنين، وأنا محبتش خالص في فترة المراهقة كان ورايا مذاكرة، كان عندي أنشطة كتير جدًا في أيام الأجازة".
هبة قطب: زوجي هو أول حب في حياتي.. وأول تعارفنا مكنتش ببقي مبسوطة لما بتعامل معا
وتابعت هبة قطب حديثها قائلة: “أول حب في حياتي جوزي، هو دكتور عيون واتعرفت عليه في الجامعة، مكنتش بطيقه في أول تعارفنا ولما كنت بضطر اتعامل معاه مكنتش ببقى مبسوطة لأن أنا قيادية وهو قيادي، وقعدت 3 سنين مش طايقاه، وبعدين طلعنا رحلة والبساط بدأ يبقى أحمدي، وشوفنا مواقف في السفرية دي وركبنا قطر أوروبا كله وكان مليان مواقف كوميدية، وبعد ما رجعنا من الرحلة اعترفلي بحبه وقالي أكيد إنتي حاسة إني بحبك، وأنا بحتفل بكل الذكرى السنوية زي اليوم اللي قالي فيه أنا بحبك واليوم اللي قالي فيه أنا عايز اتجوزك".
هبة قطب: زوجي مستمع جيد ومش كل الرجالة كده..وهو جزء ضخم من نجاحي
وأضافت هبة قطب: "دي فرصة نقول للناس اللي ترتبطوا بيه لازم تكونوا بتعرفوا تتكلموا، وزوجي مستمع جيد ومش كل الرجالة كده، ودي حاجة مهمة جدًا، وزوجي جزء ضخم من نجاحي، وطول الوقت بيدعمني وبيقولي إنتي أحسن واحدة ومين غيرك اللي يعمل كده، علاقة من نوع فخم وهو راجل فخم".
ووجهت هبة قطب رسالة للأزواج حيث قالت: "إوعى تقول ظروف إحنا اللي بنعمل الظروف، اليوم اللي هتبطل تبوس مراتك فيه وأنت نازل الشغل أعرف أن في ناقوس خطر".
