"مفيش حد كان بيراجع ورايا".. ننشر اعترافات الموظف المتهم باختلاس مليون جنيه (مستند)

حصلت" الفجر "على نص اعترافات الموظف بالشئون الإدارية بشركة مياه الشرب والصرف الصحى بالواحات البحرية، المتهم باختلاس أموال وجدت في حيازته بسبب وظيفته، تقدر بمليون و19000 ألفا و626 جنيها.

وإلى نص التحقيقات:

ما تفصيلات ما حدث ؟

ج / "أنا كنت شغال صراف شباك فى فرع شركة مياه الشرب والصرف الصحي، وكنت باخد الفواتير المرتدة من المحصلين وكنت بخليها عندي لحد لما المشتركين يأتوا ويدفعوا وكنت باخد الفواتير المرتدة من المحصلين وكنت بخليها عندي وأحصلها منهم واديهم الإيصالات وباخد الفلوس لنفسي ومبوردش الفلوس في الحزنة وكنت بعمل كده علشان مكنش معايا فلوس ومسددتش المبلغ في دفتر التوريد والإيصالات.. دي كانت عهدتي ومكنش في حد بيجي يراجع ورايا أو على الفرع كله واحنا اللى كنا بنراجع على شغلنا.

س: متى وأين حدث ذلك ؟

ج في غضون عامی ۲۰۱۸۰۲۰۱۷ ومن قبل كده كمان

س وما هي طبيعة عملك واختصاصك الوظيفي تحديدا ؟

ج أنا كنت أصل صراف شباك

س منذ متى وأنت تباشر ذلك الاختصاص ؟

ج من نحو ۲۰۰۹ وحتى شهر ۲۰۱۳/۱۱

س وهل اشترك معك أحد في ارتكاب تلك الواقعة؟

ج لا أنا كنت بعمل كده لوحدى

س وهل قمت بتزوير أي مستندات لارتكاب تلك الواقعة؟
لا

س / وما كيفية ارتكابك لتلك الواقعة تحديدا ؟

ج أنا كنت باخد الفواتير المرتدة من المحصلين وكنت بخليها عندي لغاية لما المواطنين تيجى تدفع الفلوس وكنت بديهم ايصال بالدفع وكنت باخد الفلوس ومبوردهاش في الخزنة وميسددهاش في دفتر التوريد.

ما سبب قيامك بذلك؟

ج علشان مكنش بيبقي معايا فلوس أصرف بيها على عيالي وكنت بعمل كده، وكنت بعمل كده علشان المرتب بتاعي مبيكملش ٤ آلاف جنيه.

س وما هى الدورة المستندية لتحصيل مبالغ المشتركين ؟

ج هو بيبقى في كشوف بيستلمها المحصلين وبينزلوا يحصلوا ولما مبيلاقوش المشترك المحصل بيرجعلى الايصالات وبتفضل عندى لغاية لما المشترك بيجي يدفع الفلوس وبعد كده يسدد الفلوس في الخزنة ويسدد المبلغ في دفتر التوريد.

س وهل كنت تقوم بذلك ؟
لا انا كنت باخد الفلوس لنفسى ومبسددهاش

ش وما هو قصدك من ذلك ؟

ج انا كنت محتاج فلوس فكنت باخدها

س وما قولك فيما جاء ببلاغ شركة المياه؟

ج ايوه الكلام ده حصل

س/ وكم المبالغ المالية التى تحصلت عليها من جراء ارتكاب الواقعة ؟

ج انا مش فاكر بالظبط

س/ ما قولك فيما جاء بتقرير لجنة الكسب الغير المشروع ؟

ج اللي حصل انا قولت عليه

س/ ما قولك فيما جاء بتحريات مباحث الأموال العامة ؟

ج ايوة الكلام ده حصل

س/ ما قولك فيما شهد به موظفى التسليم والتسلم أمامنا بتحقيقات النيابة العامة ؟

ج/ ايوه الكلام ده حصل

س/ ما تعليقك لما اقريت به امام لجنة الكسب الغير مشروع

ج انا كنت بحاول ابعد التهمة عن نفسى

ما هي درجتك الوظيفية الآن؟
انا على الدرجة الثالثة

وكان موقع الفجر قد انفرد بتفجير قضية اختلاس موظف بالشئون الإدارية بشركة مياه الشرب والصرف الصحى بالواحات البحرية، باختلاس أموالًا وجدت في حيازته بسبب وظيفته، حيث اختلس مليون و19000 الفا و626 جنيه.

كانت النيابة العامة قد أحالت المتهم "طارق. م. ع" 49 سنة، لمحكمة الجنايات المختصة بدائرة محكمة استئناف القاهرة، وذلك علي خلفية التحقيقات في القضية رقم  ٢١٨٤٩ لسنة ٢٠٢٠ جنايات الوراق.

تبين أنه في الفترة من ۲۰۱۷/٩/٩ حتى ۲۰۱۸/۷/۸، بدائرة قسم شرطة الوراق، قام المتهم بصفته موظفًا عامًا ومن مندوبي التحصيل " صراف شباك " بشركة مياه الشرب والصرف الصحى بالجيزة، اختلس أموالًا وجدت في حيازته بسبب وظيفته بأن اختلس مبلغ ١١٩٠٦٢٦،٩٤ جنيه مليون ومائة وتسعين ألفًا وستمائة سنة وعشرين جنيهًا واربعة وتسعين قرنًا ) والمملوك لجهة عمله والمسلم إليه بسبب وظيفته، اختلاسه من عملاء الشركة قيمة استهلاك المياه لتوريده لجهة عمله، فاحتسبه لنفسه بنية تملكه على النحو المبين بالتحقيقات.

شهد مراجع عهده بشركة مياه الشرب والصرف الصحي بالجيزة، أمام تحقيقات النيابة العامة، بأنه قام بجرد عهدة المتهم، وتبين وجود عجز بعدد ۳۸۰۸ فاتورة مياه مقدر قيمتها بمليون ومائة وتسعين الف وستمائة ستة وعشرين جنيها وأربعة وتسعين قرشا، وبالرجوع لبعض المشتركين قدموا فواتير مسددة للمتهم لم تورد قيمتها لخزينة شركة مياه الشرب والصرف الصحي بفرع الوراق محتبسًا قيمتها لنفسه اضرارًا بالجهة المالكة.

أكد مفتش بالإدارة العامة لمباحث الأموال العامة، بأن تحرياته دلت على أن المتهم قد حصل قيمة فواتير المياه محل الواقعة، ولم يقم بتوريدها لخزينة شركة مياه الشرب والصرف الصحى واختلسها لنفسه مرتكبًا الوقائع الثابتة بتقرير اللجنة المشكلة بمعرفة الشركة.