بعد تصدرها التريند.. اعرف موقف شريف منير من "نيولوك" ابنته أسما شريف
تصدرت أسما شريف منير تريند جوجل ومازال يبحث عنها الجمهور لمعرفة سر ظهورها بنيولوك جديد وموقف شريف منير منه، لذلك تقدم بوابة الفجر الإلكترونية دائمًا تقديم ما يهم متابعيها الكرام من أخبار الفن والمشاهير، حيث ترصد في السطور التالية كل ما تريد معرفته عن تريند أسما شريف منير.
تريند جوجل.. موقف شريف منير من تريند ابنته اسما شريف
قال شريف منير في أول تعليق بعد الانتقادات التي تلقتها ابنته أسما شريف منير نتيجة حلق شعرها أمام الكاميرا، وظهورها برأس حليق في مهرجان القاهرة للدراما: "إيه الدوشة اللي إنتو عاملينها دي، وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا؟ إيه الغلط اللي هي عملته؟ تصرف عادي جدًا مفيهوش أي حاجة"، واوعوا تفتكروا إني هاجي على بنتي عشان خاطر أكسب رضاكم، دي بنتي اللي ماليش غيرها وبحبها".
بعد تصدرها التريند.. شريف منير يعبر عن إعجابه بلوك أبنته اسما شريف
وأشار شريف إلى أنه معجب بلوك ابنته أسما قائلا: "بالمناسبة اللوك اللي عملته عاجبني وأنا مبسوط منها قوي"، مضيفا: "بنتي متربية كويس جدًا، بس هي بتتصرف باللي هي حاسة بيه، المهم إنها متكونش بتأذي حد".
واعتبر شريف أن ما حصل من ابنته ليس عيبًا: "اللي حصل من بنتي مش غلط ومش عيب، هي مغلطتش في حد فيكو، ومغلطتش في نفسها"، مضيفًا: "أنا أب مسؤول إني أحميها، وهي حرة في تصرفاتها، وأسما أنتي شكلك زي القمر، وشكلك حلو جدًا، وخدتي الترند.. برافو عليكي".
تريند جوجل.. اسما شريف: "أنا كنت عارفه إني هبقى تريند"
تابعت: “اولًا الحكاية جت بالصدفة جدًا، وكان قرار لحظي وانفعالي جدًا، ومش ندمانه عليه، تاني حاجة انا مش بعمل كده عشان اطلع ترند، بس كنت عارفة اني هبقي ترند، في فرق كبير بين عايزه وعارفة، على فكرة الترند ده نقمه مش حاجة حلوة خالص بس مش هدخل في الجدل ده دلوقتي، ثالث حاجة انا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل وقوة وارادة وتحدي وجرأة وشجاعة وكل حاجة ايجابية في الكون”
واستكملت "أنا فعلًا من فترة كنت بمر بمرحلة صعبة جدًا، بس كنت في رحلة بقالي شوية بتعافي منها وبقف علي رجلي من الأول، وكان اخرها رحلة دهب، فا تاني بالعكس ده مش اكتئاب، ده مرحلة انتقاليه مؤمنه اني هحقق فيها حاجات كتير".
وللأشخاص الذين استنفروا منها قالت: "آخر حاجة الجماعة اللي مكبرين الموضوع، ده شعري مش شعرك، وحاجة كده بجد أخيرة انا عاجبني شكلي جدًا بصراحة، شكله جامد ومديني ثقه في نفسي جدًا بحبكم أو ي بجد ".
