رسالة مؤثرة من أم لابنها المتوفي في حادث بالشرقية

أثارت رسالة مؤثرة من سيدة تدعى نوال احمد حزن لابنها المتوفي في حادث تصادم بمدينة العاشر من رمضان قبل عدة أيام، حالة من الحزن بين رواد مواقع التواصل الاجتماعي

وقالت خلال حسابها على موقع التواصل الاجتماعي فيسبوك: "أنا رحت جامعتك يا أحمد وقابلت كل صحابك هناك وقعدت في نفس المكان اللي كنت بتقعد فيه مع صحابك وشربت عناب إلى كنت دائما تحكيلي عليه وأكلت من نفس المكان إلى كنت بتاكل منه وطلبت نفس الأكل. ساندوتش المسقعة كان حلو أوي، سلمت علي كل الناس إلى كنت بتشوفهم وبتسلم عليهم رحت هناك وشفت كل حاجه كنت بتشوفها بعيونك".

وتابعت: "بس سحبت ملفك من الجامعة إلى عشت تحلم بيها ملحقتش تحقق أحلامك شهرين يا نور عيني وكل إلى هناك بيحبوك وبيدعولك، أزاي بتلحق تخلي الناس تحبك كل الحب ده يا طيب القلب يا جدع يا متسامح في جنات الخلد يا روحي وقلبي وعمري كله يا أجمل حلم حلمته وصحيت منه".