"المرتبات تعبانة".. 10 رسائل بارزة من الرئيس السيسي في ختام المؤتمر الاقتصادي

أدلى الرئيس عبدالفتاح السيسي بعدد من الرسائل الهامة خلال الجلسة الختامية لفعاليات المؤتمر الاقتصادي مصر 2022، بحضور عدد كبير من الشخصيات الاقتصادية والقيادية.

لا أعتبر نفسي رئيسا لمصر

وأكد الرئيس عبد الفتاح السيسي أنه لا يعتبر نفسه رئيسا لمصر بل إنسان طلب منه التدخل لحماية وطنه، مؤكدا أن تدخله في عام 2013 لحماية مصر كاد يكلفه وظيفته كحد أدنى وحياته كحد أقصى، مشيرا إلى أنه تم اعطاء الفرصة كاملة والنصيحة لمن كانوا في الحكم وقتها، ولم يبخل بالنصيحة لأن الشرف لا يتجزأ، على حد تعبيره.

كنت حريصا على تماسك الدولة المصرية

وتابع: "كرم الله على مصر فوق الخيال، عندما وقعت أحداث 30 يونيو وحانت لحظة صدور بيان 3 يوليو، كنت حريصا على تماسك الدولة المصرية ومجتمعها".

وقال الرئيس عبدالفتاح السيسي، إنه خلال وقت ترشحه التقى عددا من المستثمرين وذكر خلالها أن مصر تحتاج 100 مليار جنيه لمجابهة الأحداث من 2011 وحتى 2013، مضيفا: "لقاءي مع المستثمرين في فترة الترشح قلت محتاجين 100 مليار علشان أجابه الحالة من 2011 – 2013 خفت ان انطباعي يقولوا جاي اخد مال الناس ده لا يرضى ربنا ولا هيرضي ربنا  لا طبعا، لكن لازم نشوف المسار اللى مشيت بيه الدولة خلال 30 سنة ونشوف نتائجه ايه والا هنبقا زى ما احنا".
 

مفيش حاجة فيكي يا مصر كانت واقفة على حيلها 

وأضاف الرئيس السيسي خلال الجلسة الختامية للمؤتمر الاقتصادي مصر 2022:" فيه جزء كبير جدا من اللى اتعمل  وناس بتتكلم على كوبرى،.. كوبرى إيه؟ ده مفيش حاجة فيكي يا مصر كانت واقفة على حيلها.

عقد مؤتمر سنوي لمناقشة القضايا الاقتصادية

وأعلن السيسي أنه من الضروري عقد مؤتمر سنوي لمناقشة القضايا الاقتصادية، وتعهد بتنفيذ كل توصيات المؤتمر الاقتصادي- مصر 2022، معربا عن موافقته على عقد مؤتمر اقتصادي كل عام.

بناء وتجهيز العاصمة الإدارية الجديدة

وتحدث الرئيس عبد الفتاح السيسي، عن بناء وتجهيز العاصمة الإدارية الجديدة، قائلا: "العاصمة الإدارية.. اتبنت منين.. ليه مش مصدقين وزيها و10 كمان منين.. طلب النمو عليها على الأقل.. مليون شقة في السنة.. نصفهم في الريف ونصفهم في الحضر".

 

60 ألف فصل بيتكلف 60 مليار جنيه من غير تشغيل 

كما تحدث الرئيس عبدالفتاح السيسي، عن قضايا التعليم، قائلا: "في التعليم تعالي نتكلم وفيه كلام بنسمعه جوة القاعات مع المتخصصين وكلام تاني عن الواقع في مصر.. طيب عاوزين تغيروه؟ ولا لأ؟.. واحد يقولي التعليم إيه علاقته بالاقتصاد؟ جودة التعليم اللى هتقدم هتقدر.. يا ترى المنتج هيبقا عامل ازاى؟".

تابع الرئيس السيسي: "60 ألف فصل بيتكلف 60 مليار جنيه من غير تشغيل، فيه مدرسين وأطقم لخدمة المدرسة وكهرباء وميه بنتكلم في 60 الف مدرسة..طيب لو عاوزين مليون جنيه لرفع كفاءة كل مدرسة يبقا عاوز 60 مليار.. طيب لو مش موجودة حد يقولك المدرسة دي يا عم انت بتتكلم في ايه؟"..انتوا مش عارفين يعني ايه دولة وبتهدوا بلادكم.. الناس الغلابة لما حد يجي يتجوز من ولادهم يوضبوا بيتهم علشان الناس تشوفوا كويس.. يا ترى احنا بنعمل كده؟" طيب الفقير غلبان طيب.. الغني ما انت مبسوط ومستور.. بنحط تراب من غير ما نقصد ليه؟ دي ملامة ليكم ؟ لا.. انا بكلم كل المصريين.

السيسي عن مدبولي: "أكثر واحد بيآسي معايا وكبرته قبل آوانه" (فيديو)

السيسي عن الزيادة السكانية: "مش صح إن الدولة تصرف على الأسر" (فيديو)

نظرة الدولة للمستثمرين 

وبالانتقال إلى نظرة الدولة للمستثمرين، قال الرئيس عبد الفتاح السيسى، إنه يتم الاستجابة لكل المستثمرين، فنحن معكم واحنا بيكم هنطلع للأمام، متابعا: "نتيجة المؤتمر الاقتصادى تجعلنا ننفذه سنويا هو ومؤتمرات تأخرها خلونا نتقابل ونتكلم وكل واحد يقول اللى عنده".

المرتبات تعبانة أيوه تعبانة 

متحدثا عن أوضاع المصريين، قال الرئيس عبد الفتاح السيسي إنه لا يجب أن أكره سلوكيات الفقر، ولكن أكره الفقر نفسه واستهدافنا للفقر لنغير الأوضاع مع بعض، مضيفا: "وأنا هقولكم على حاجة بالنسبة للمدرس، مفيش شباب يساعد مع مديريات التعليم في المحافظات للتدخل بشكل لطيف مع المجموعة الموجودة يشجعهم.. ما المرتبات تعبانة، أيوه تعبانة".

السيسي: مصر تحتاج إلى تريليون دولار في السنة كموازنة عامة (فيديو)

السيسي يلوم المصريين: "بنحط تراب على بلدنا من غير ما نقصد" (فيديو)

أقل من 10 آلاف جنيه لأى حد بيشتغل مش هيعيش 

وأردف: "والله العظيم أنا بكلمكم من قلبي، أقل من 10 آلاف جنيه لأى حد بيشتغل، مش هيعيش، ما أنت هتقولي إديهم، هقولك يا ريت، هتقولي ما انت بتتكلم عن ميناء بـ 40 مليار، أنا لازم أكون متوازن في إدارة الأمر، غيرنا كان مساره أكل، وشرب، ودفع فلوس وسابها لما بقت على الحديدة، وقولتلكم الإصلاح الموجود أكبر من قرار أي رئيس في الوقت ده، وبالتالي الناس خرجت هدمت الدولة، لأنها مش مستحملة تاني، فلا بد أن أشتغل على كل قطاعات الدولة".

المرة الجاية عايز شباب هنا ويتهمونا ويزعقولنا

واختتم الرئيس عبد الفتاح السيسي، كلمته بالمؤتمر الاقتصادي مصر 2022، قائلًا: "المرة الجاية عايز شباب هنا ويتهمونا ويزعقولنا، قول واحنا ندافع، فهذا حقهم علينا بدل ما يزعقولنا فى الشارع.. الشباب برضوا خايفين إننا نضيعهم، يقولوا بكره بتاعنا، بكره بتاعكم خلص، فلا بد أن نسمع لهم".

وتابع: "كل التقدير والاحترام لكم وخطواتكم عزيزة علينا وعلى مصر، وكل كلمة قولتوها وكل فكرة طرحتموها مقدرة ومقبولة ونرجو من الله عز وجل أن يجزيكم عنها خير، وأن يكون المؤتمر مقدمة لنجاح الدولة المصرية أكثر.. معًا نستطيع".