"لم اتنازل عن القضايا التي رفعتها ضد شيرين بسبب أهلي".. أبرز تصريحات حسام حبيب
يتصدر اسم الفنانة شيرين عبد الوهاب وحسام حبيب محركات البحث في الآونة الأخيرة بسبب أزماتهم وخلافاتهم المستمرة.
وخرج حسام حبيب بتصريحات أمس، في مداخلة هاتفية مع الإعلامي عمرو أديب في برنامج الحكاية.
- شيرين قصت شعرها في نفس يوم التي طالبتني بالطلاق، وأغمى عليا أول ما شفتها، وهي حلقت شعرها علشان تقسو على نفسها، وتنهي العلاقة، ولكن ده محصلش.
- معملتش حاجة لنفسي من يوم ما اتجوزت شيرين، ولا لحنت أغنية ولا غنيت أغنية.
- أغلب مشاكلي مع شيرين كانت بسبب أسلوب حياتها، وعندما ظهر الإدمان في حياتها، قلت لها يا أنا يا الحاجة دي.
- أسرتي هي أمي وأختي وأشقاء والدتي فقط، ووالدي ليس له علاقه بي، هو طلق ماما وأنا عندي 14 سنة، ومش عايرة يتدخل في حياتي.
- مأخدتش جنيه من شيرين ولا من قدامها ولا من وراها، وكان واجبي أكبر ثروتها مش أنقصها، وعملت لها سيستم لإدارة أموالها.
- عمري في حياتي ما كنت عنيف، مع أي سيدة، أنا راجل متربي ومتعلم، وعارف يعني إيه ست، ومدافعتش عن نفسي علشان مهاجمش شيرين.
- علاقتي مع شيرين بدأت بالصداقة، ولم أتوقع زواجي منها.
- شيرين استغاثت بي لإنقاذها من المحيط الذي كانت فيه، وكرست حياتي لمساعدة شيرين، ولكي تسير حياتها الفنية بشكل منضبط، ووجودي كان غير مستحب للمحيط بشيرين، لأن الحنفية اتقفلت، كان خلاص محدش بياخد حاجة من شيرين مش من حقه.
- عند زواجنا.. كان رصيدي من الأموال يفوق شيرين بكثير، شيرين كانت منتهكة ومنهوبة.
- الناس اللي عايشين من خير شيرين كانوا عاوزني أبعد عنها، كانوا عاوزين يمتلكوها، وأنا بقيت العدو الأول للناس دي.
- الطلاق كان بسبب اعتراضي على أسلوب حياة شيرين، واعتراضي على المحيطين بها، وعلشان كده اتهمتني اني ببعد الناس عنها.
- لم أعلق أبدًا على وزن شيرين الزائد، لدرجة اعتبرت نفسي تسببت في أذى لها، كان لازم اللايف ستايل كله يتغير.
- شيرين قالت لي بعد إبرام عدة اتفاقات تخصها، إن حقي كبير، وكنت رافض أحصل على أي شيء، ثم أهدت لي السيارة نظير تلك الاتفاقيات، وكنت رافض الهدية ومركبتهاش غير عندًا فيها بعد خلافنا.
- هناك من سيرث في شيرين وهددها بالحجر عليها، الأمر الذي جعلنا نأخذ الاحتياطات المطلوبة من أجل تأمين أموال شيرين لصالح بناتها.
- أقسم بالله العظيم أنا شفت شيرين نازلة حافية من بيتها لابسة البيجامة متعرضة للسحل والضرب مفتوح عليها مطواة أمام طبيب ومنقولة في عربية رغما عنها.
- اتضربت من اللي اعتدوا على شيرين وضلوعي اتكسرت والبنت المساعدة اتعرضت للضرب والإهانة.
- لم أتنازل عن القضايا التي رفعتها ضد شيرين، بسبب أهلي، قلت لأهلي إني هجيب لكم حقكم، احنا بنتعرض لسباب وإهانات على التليفونات.
- عرفت من داخل مستشفى شيرين إنها حاولت الانتحار مرة، وامتنعت عن الأكل 4 أيام، واحدة متاخدة بالشكل ده ومش بتاكل ومش بتشرب ومش بتشوف بناتها.
- شيرين لو سبتها ربع ساعة كانت بتتاكل، كان فيه راجل شغال عندها محاسب قعد يحكيلها ظروفه، اديتله 100 الف دولار أخدهم وطفش.
- أنا بحب شيرين، وهى بتحبي، وكنت اتمنى أن نتزوج فى حالة هادئة، ولكن التدخلات فى الزواج من البداية سبب ما يحدث حاليًا.
