بسمة تكشف تفاصيل تعرضها للتنمر.. وتؤكد: عائلتي بها 3 أديان سماوية

حلت الفنانة بسمة ضيفة في برنامج كلمة أخيرة مع الإعلامية لميس الحديدي، وصرحت بعدة تصريحات مثيرة جعلت اسمها تصدر محركات البحث.

عن آخر مسلسل لها

شاركت الفنانة بسمة في مسلسل طير بينا ياقلبى، الذي يعرض الآن على قناة أون، وعلقت على دورها به قائلة: دوري فى مسلسل طير بينا ياقلبى كان ظهور خاص، ولكن لسبب أنا أجهله الدور فقس مشاهد، وعلى فكرة أنا أُرحب بأدوار ضيفة الشرف كثيرًا، بس لو العمل يرضينى ولا ينقص منى شئ، وكمان أُعجب بفريق العمل بالكامل.

وعن دين عائلتها

وقالت الفنانة عن التنوع الديني بعائلتها، أنا جدى كان يهودى الأصل ولكنه اعتنق الإسلام وعاش فى مصر، وأنا لحد دلوقتى معنديش مشاكل مع الأديان، وكمان حاسه بالامتنان لله لأنه جعلنى أعيش وسط عائلة كلها مُستنيرة، وكنت شايفة إن ده عادى جدًا يكون فى العيلة جميع الأديان السماوية، ولكن لما كبرت وبدأت احتك بالمجتمع وأعيش الواقع بالمدرسة والجامعة والشغل تعرضت لتنمر فظيع جدًا علشان جدى يهودى، والعجيب إن أحد الصحفيات كتبت عنى إذا بُليتم فإستتروا.

وأكملت بسمة، هذا الموقف بيخلينى طول الوقت أسأل نفسى إحنا فى مصر زمان؟.. اللى كانت مُحتضنة ومُتقبلة كل الأديان السماوية، وكمان عائلتى كانت عناوين الأفلام القديمة الأبيض والأسود.. زى فيلم حسن ومرقص وكوهين.. أنا مش مستوعبه اللى حصل ومش مصدقة.

عن تصريحاتها السابقة عن الرضاعة

قالت الفنانة بسمة، قامت حملة شعواء على السوشيال ميديا لأن الكلام اتحرف، أنا كنت بقول أحاسيسي وقتها، وقبل ما الأمومة مكنتش شايفة أني لازم أخد بالي من بنتي طول الوقت ومش عايزة أرضع لأن أنا مش بقرة، وانتهى بيا الحال إني رضعت بنتي سنتين، وعلى السوشيال ميديا خدوا جزء من الجملة اللي هي أنا مش بقرة فطلعت يومين ترند، والناس يقولوا لي برافو أنتي ترند، هو ترند ده حاجة حلوة دول بيقولوا عليا بقرة يا جماعة أنا بتشتم، وقبل الخلفة كنت شايفة أن الطبيخ ده شيء ممل جدًا بعد ما خلفت، وبنتي ابتدت تأكل وتستطعم الأكل ابتديت انفسن لو عجبها أكل حد غيري.

وعن علاقتها بطليقها

قالت الفنانة بسمة، إن طليقها عمرو حمزاوي يحافظ على علاقته مع ابنته نادية، فهو يتحدث معها عندما يسافر للعمل يوميًا، وأنها تشجع ابنتها على الاعتماد على نفسها، ومبحطش صور نادية على السوشيال ميديا لأنها هتكبر وهتقرر، وأنا متخصصة في السوشيال ميديا وبعرف اتصرف فيها.

وتابعت، نادية لما تكبر هتقرر علاقتها بالسوشيال ميديا والعالم تبقى عاملة إزاي، وهتقرر هي عايزة الناس تعرف أنها بنت بسمة وعمرو حمزاوي ولا لا؟، لأن كونك بنت أشخاص معروفين ده هيغير المعاملة معاكي شوية، إحنا شايفين أن حقها تعيش طفولتها بعيد عن أن أمي وأبويا أشخاص معروفين، من حقها تعيش طفولتها بعيد عن العالم الافتراضي.