قصة انتحار رنا فتاة الدقهلية: "كان نفسي حد يطبطب عليا" (صور)

"أهلي مايمشوش في جنازتي".. رحلت طالبة الدقهلية "رنا" عن الحياة تاركة تلك الرسالة لتكشف الأسباب الخفية لاقدامها على الانتحار وهي سوء معاملة أهلها لها وعدم مساندة أسرتها لها في الأزمات المختلفة.

انتحار فتاة الدقهلية بحبة الغلة السامة

البداية عندما أقدمت فتاة جامعية علي إنهاء حياتها بتناولها قرصا كيماويا "حبة الغلة السامة" بمركز بلقاس في محافظة الدقهلية، وذلك لمرورها بحالة نفسية سيئة بسبب معاملة عائلتها لها.

و تلقى اللواء مروان حبيب مدير أمن الدقهلية إخطارًا من مدير المباحث الجنائية يفيد بورود بلاغ لمركز شرطة بلقاس من مستشفى بلقاس المركزي بوصول فتاة تدعي " رنا. ج " 22 عامًا، مصابة بحالة إعياء شديدة نتيجة تناولها قرصا كيماويا "حبة الغلة السامة".

أهلي مايمشوش في جنازتي 

وعلي الفور انتقل ضباط المباحث الجنائية وتبين مصرع الفتاة وذلك لمرورها بحالة نفسية سيئة وتعاني من اكتئاب بسب معاملة أهلها لها، وتركت الفتاة رسالة قبل انتحارها تطلب بعدم سير أهلها في جنازتها.

كان نفسي حد يطبطب عليا 

وتركت فتاة الدقهلية رسالة مؤثرة قبل انتحارها وكتبت على صفحتها على مواقع التواصل الاجتماعي "فيس بوك": "أنا حزينة حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت تعبت أوي واستحملت كتير أوي بس أنا إنسانة عندي طاقة مش قادرة استحمل كل ده لوحدي، أنا بس كنت محتاجة حد يطبطب عليه وياخدني في حضنه".

وأضافت فتاة الدقهلية: "أنا عمري ما حسيت بحنية أم ولا أب ولا أخوات ولا أصحاب، أنا عايشه لوحدي حرفيًا رغم وجود الناس دي حوليا انا لوحدي والوحده وحشه أو ي ومُتعبه أوي أنا اتهلكت واتأذيت واتخذلت من اقرب ناس ليا وف الاخر يتقالي معلش، محدش يكلف نفسه يفكر فيا ولا يفكر ف إحساسي، أعيش ليه، أعيش لمين، أنا في الوقت ده كنت عاوزه بس اللي يحسسني إني استاهل أتحب وأن حد يفضل معايا عشاني عشان بيحبني".

وأكملت فتاة الدقهلية في رسالتها: "أنا حاربت الناس كلها عشان أبقى كويسة وكل محاولاتي فشلت، أتاكدو إني موصلتش لهنا بسهولة كدة لا والله أنا عافرت عشان موصلش بس للأسف الحزن كان أقوى مني أتمنى ربنا يسامحني ويحاسبني على تعبي وقلة حيلتي مش على عدم إيماني به، حاجة أخيرًا أنا كنت لوحدي ودلوقتي لوحدي فأتمنى محدش من أهلي يحضر جنازتي لأني ماشية زعلانة منهم كلهم ومش مسامحة في حق نفسي أبدًا، ادعولي بالرحمة افتكروني بالخير وأتمني متنسيش زي ما كنت منسيه وقولو للشخص اللي ختم نهاية حياتي إنه كان أملي الوحيد وللاسف خذلني، عرفوه إني كنت بحبه عرفووه اني خلاص فارقت الدنيا دي وانا حزينه وزعلانه علي نفسي.
 

وختمت فتاة الدقهلية رسالتها: "هيعرف بالصدفة أني موت زيه زي ناس كتير أوي كانت فحياتي حفلة تخرجي بعد بكره هي مش حفلة تخرجي من الكلية بس ومن الحيااة كلها، ادعولي ربنا يسامحني ومحدش يقولي ماتت كفره لأن الكُفر هو إني افضل عايشه مأذيه ومنسيه ووحيدة".

تحذيرات من الانتحار

وأطلق الأزهر الشريف مبادرة بعنوان "أنت غال علينا" لتقديم الدعم النفسي للشباب ومساعدتهم على حل المشكلات وتجاوز التحديات؛ لمنعهم من التفكير في التخلص من حياتهم، لمواجهة تزايد حالات الانتحار.

وعلى المستوى الحكومي، أطلقت مستشفيات الصحة النفسية وعلاج الإدمان التابعة لوزارة الصحة والسكان المصرية حملة بعنوان "حياتك تستاهل تتعاش" للدعوة إلى التوجه لأول عيادة حكومية يتم فتحها لمواجهة مشكلة الانتحار عند الحاجة.

وخصصت مصر خطا ساخنا للدعم النفسي والطوارئ والاستشارات النفسية للأمانة العامة للصحة النفسية بوزارة الصحة لتلقي الاستفسارات النفسية والدعم النفسي، ومساندة الراغبين في الانتحار وهو رقم ٠٨٠٠٨٨٨٠٧٠٠ من أي خط أرضي، أو رقم ٠٢٢٠٨١٦٨٣١.