تأجيل زيادة أسعار الكهرباء.. 10 رسائل جديدة من الرئيس السيسي اليوم
أدلى الرئيس عبد الفتاح السيسي، بعدة تصريحات مهمة خلال كلمته بافتتاح مشروع مجمع الإنتاج الحيواني والألبان بمدينة السادات في محافظة المنوفية.
وترصد “الفجر” في السطور التالية أبرز تصريحات الرئيس السيسي:
1- أنا بنام وأحلم بدخل تريليون دولار، و10 تريليون دولار، وإن ذلك ليس ببعيد على الله سبحان وتعالي، وكل وقت بقول لك الحمد والشكر رغم كل الظروف التي نحن فيها، وأقدر أقول معندناش مشكلة في حاجة والحمدالله.
2- عملنا أقصى حاجة لضبط الأسعار ولتر البنزين وصل 40 جنيها بالخارج.
3- بلدنا توقفت 50 سنة.. مصر كبرت كحجم لكن مواردها ما زادتش.
4- علينا استصلاح أكبر حجم من الأراضي للسيطرة على تكلفة الإنتاج.
5- للمرة التالتة نأجل زيادة أسعار الكهرباء علشان ما نحملش على الناس.
6- الأسعار في مصر "كان المفروض تكون أعلى من كده بكتير".
7- توفير اللحوم صناعة تستغرق وقتا.. لو كان معدل زيادة الإنتاج الوطني من الثروة الحيوانية زاد بنفس معدل الثروة الحيوانية حينها كان يمكن الحفاظ على الأسعار، ولكن هناك متغيرات أخرى.
8- ينبغي تنظيم الأسواق وتطويرها، "هو أنتم مش بتاخدوا فلوس من الناس وهما داخلين الأسواق.. لا لازم يتنظم ويطور من اللي بتاخدوا من الناس".
9- مابقاش الموضوع استثمار.. بقا محافظة على حالة الاستقرار في البلد، المواطن لو الضغط زاد عليه هيعمل إيه.
10- أوعوا تكونوا فاكرين بقول كده استقرار عشاني، والله العظيم لما بتكلم على حالة رضا مجتمعي لا أقصد حفظ نظام أو رئيس أنا بتكلم عن حياة 100 مليون هنضيعهم".
