بعد انتهاء امتحانات أبنائهن.. "أمهات مصر" يكشفن كيفية الاستفادة من إجازة العام
وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، سؤالا لأولياء الأمور، في محاولة منها للاستفادة من الإجازة، قائلة: "أولياء أمور الطلاب اللي خلصوا امتحانات وبدأوا الإجازة.. هتقضوها وتستفيدوا منها إزاي؟.. خلونا نفيد بعض".
وتفاعل أولياء الأمور علي صفحة اتحاد أمهات مصر، في الفيسبوك، حيث قالت ولي أمر: "أولا كل سنة وحضرتك بألف خير وسعادة، الحمد خلصنا ونجحنا بامتياز كمان بنتي في الصف السادس الابتدائي تجريبي لغات، اشتركت لها في كاراتية وكرة سله وكورس إنجلش وقرآن وربنا يعينا ونقدر نكمل علشان الولاد مش عايزين يبقوا مقيدين".
وأضافت ولية أمر أخري: "اشتركت لابني في كره قدم ولسة عاوز يروح جيم وقدمت علي كورس انجلش وامتحن تحديد المستوي ولسه هيحددوا مواعيد حسب مجموعته، وكده نكون بنحاول نستفيد من الوقت إن شاء الله".
وتابعت ولية أمر أخرى: "إن شاء الله هنبدأ بعد الثانوية العامة لأن لسه بنتي عندها امتحانات وهى بتتدرب كاراتية إن شاء الله تخلص وتكمل، وبنتي التانية بتعزف بيانو وهتبتدي الأسبوع الجاي"، تستكمل ولي أمر أخري: "أولا كل عام وأنتم بخير وصحه وسعادة، الحمد لله خلصنا ونجحنا وهنكمل في لعبه الكونغ فو".
