اتحاد أمهات مصر يوجه سؤالا لأولياء الأمور عن اليوم الدراسي
وجهت عبير أحمد، مؤسس اتحاد أمهات مصر للنهوض بالتعليم وائتلاف أولياء أمور المدارس الخاصة، سؤالا إلى أولياء الأمور من الأمهات تضمن: "يا ترى الأمهات لسه بتذاكر وبتراجع لولادها؟، كلمونا عن يومكم بيكون إزاي من أول خروجهم من المدرسة".
اتحاد أمهات مصر
وطالبت "أحمد"، الأمهات بالتركيز مع أبنائهم خاصة بالمراحل الأولى، نظرا لحساسية وأهمية هذه المراحل في تأسيس الطفل والتلميذ، مؤكدة أن المراحل الأولى هي التي يعتمد عليها الطفل عند التحاقه بباقي المراحل حتى الجامعة.
آراء أولياء الأمور
وتفاعل أولياء الأمور من الأمهات علي المنشور، على صفحة اتحاد أمهات مصر في الفيسبوك، حيث قالت ولي أمر: "بنذاكر وبنراجع واللى بيقف معنا بنسمع فيديو عن شرحه ونرجع نشرحوا تانى، معتمدين علينا اعتماد كبير".
وأضافت ولي أمر: "اليوم بيعدي بسرعه جدا ومش بنلحق نذاكر كله بنحاول علي قد ما نقدر الأول نخلص واجبات المدرسة والمذاكره لأن الكويزات عندنا بدأت ربنا يعينا ويعين كل أم".
وذكرت ولي أمر: "اليوم بيكون مشحون أول ما بيرجعوا ياخدوا شاور ويتغدوا وساعات يريحوا ساعة وساعات لا ونبتدي الكفاح ما بين هوم وورك وحفظ وحل شيتات ونراجع علي القديم وتحضير الجدول وبيكون اليوم خلص وإحنا خلصنا وننام علشان نصحي بدري تاني يوم".
وتابعت أخرى: "في راحة أولا بعد المدرسة وبعد كدا متابعة لما أخذ بالمدرسة ومذاكرة البيت وربنا معانا بجد"، واستكملت أخرى: "اه طبعا، وفى مواد انا إللى بديهالهم مش بياخدو فيها دروس ويومنا زى أى يوم قبل كورونا".
وقالت ولي أمر: "بنذاكر معاهم طبعا وطول اليوم مذاكرة واليوم كمان مش بيكفى، الله المستعان"، وأضافت ولي أمر أخرى: "بنذاكر من بعد ما بيرجعوا من المدرسة وبنام ساعة ونصحى نتغدى ونكمل مراجعة واليوم بيجرى بسرعه جدا".
وأوضحت ولي أمر: "بحاول قبل ماييجوا أكون مخلصه الأكل وشغل البيت وأول مابيوصلوا بالسلامة بيتغدوا وبعدين نعمل واجباتهم وربنا يعينا ويجعلها سنة سعيده يارب".
