المجتمع فيه أشباه رجال.. "الفجر" تحاور المنتقبة الشهيرة بألعاب القوى (فيديو وصور)
"إحنا بقينا في مجتمع فيه أشباه رجال"، هكذا عبرت الفتاة المنتقبة التي تصدرت "التريند" الفترة الماضية لبثها مقاطع فيديو وهي تمارس رياضة ألعاب القوة في الچيم.
وأوضحت ياسمين الأجدر، الحاصلة على بكالوريوس دراسات إسلامية من المعهد العالي للدراسات الإسلامية والعربية، أنها تبلغ من العمر 31 سنة، وتهوى لعب ألعاب القوي من الصغر، لكن كان يعوقها في البداية وزنها الزائد وبعد فترة أصبح بمثابة تحدي لنفسها لخسارة الوزن الزائد ولكي تتمكن من الدفاع عن نفسها من التحرش أو الانتهاكات اللفظية وغير اللفظية لذلك كانت تشاهد مقاطع فيديو عن "البوكسنج" فبدأت بممارستها مع "الچيم".
وخلال لقائها مع الفجر، أكدت أنه عقب ذلك ظلت تتمرن لمدة 4 سنوات حتى فقدت ما يقرب من 30 كيلو من وزنها ذاكرة أن ابن أخيها يمارس رياضة "الكونغفو" لذلك يوجد تحالف بينهما كما أنها كانت ثبت مقاطع فيديو عن التنمية البشرية والدينية و"البوكسينج"، مضيفة أن "السبب اللي خلاني المرة دي تريند بالشكل ده هو وجود بنت منتقبة من الخارج نشرت مقطع فيديو وهي بتتمرن في الچيم وحصلت شوية سخافات عليها.. بعدها نشرت فيديوهات ليا علشان اعرفهم أن الكلام ده عادي.. وبعدها لقيت فيديوهات مضحكة علي فيديوهاتي وخصوصا مع ظاهرة انتشار قتل الزوجات لأزواجهم.. وعلقت في مرة لمحمود الليثي.. ده أنا طيبة ومعنديش زوج علشان أقتله.. ".
وتابعت، في تصريحاتها لـ"الفجر" : "بعد كده انسجمت معاهم وركبت صوت على الفيديو ده للفنانة هند صبري في فيلم الفيل الأزرق (اوعاااا تنااام يا يحيي..)".
وأضافت "الأجدر": "لو حد اتعرضلي قبل ما ألعب اللعبة ده.. مكنتش هسكتله بردوا.. وبعد اللعبة ده فيه واحد اتحرش بيا لفظيا فقلتله (ولما تضرب..).. وساعتها مهمهوش وخصوصا أني منتقبة فقال مش هعمله حاجة ورد ببجاحة (أنا عملتلك حاجة..) واضايقت أوي علشان محدش من ولاد البلد حاول يدافع عني.. ومن هنا عرفت أني لما اتمرن كدة.. أنا صح خصوصا أننا بقينا في مجتمع فيه أشباه رجال.. فلازم تدافع عن نفسك بنفسك.. ".
وبعدما أصبحت ياسمين تريند، كان يقول لها زملائها بالچيم" أيوة يا تريند بقاااا.. " ونوهت عن أن ارتدائها للنقاب جاء سنة عن زوجات الرسول "صلى الله عليه وسلم " منوهة" أنا حبيته وهو حبني ومبقناش نقدر نستغنى عن بعض".
وذكرت أنها تبحث عن رجلا يشبه قلبها وحياتها لكي يدور بينهما لغة حوار وفي النهاية "أنا بختار أب قبل ما أكون بختار زوج.." بالإضافة إلى كونه رجلا رياضيا "مش بكرش.. ".
وقدمت ياسمين نصيحة للبنات من خلال بوابة "الفجر": "حبي نفسك ومهما حصل متخسريش نفسك ومتتغيريش علشان خاطر حد.. اتغيري لنفسك.. وخلي أي مخاوف وضغوطات هي الحافز علشان تبقي أحسن.. ولازم تتعلمي تتدافعي عن نفسك وتلعبين رياضة بشكل عام علشان بتدي ثقة بالنفس.."، مضيفة: "الكلمة سنحاسب عليها واستدلت بقوله تعالى :<< ما يلفظ من قول إلا لديه رقيب عديت>> .. الكلمة ممكن تهدي وتكفر.. وممكن تبني وتدمر.. مع العلم أن الإنسان مش هيسيطر على حد ولكن الهداية من الله سبحانه وتعالى.."، مشددة على أن الأخلاق إذا فقدت.. فقد كل شئ.
وفي النهاية قالت: "أتمنى أكون خليفة دكتور إبراهيم الفقي وأكون أشهر بنت علشان أغير صورة المنتقبة السلبية اللي واخدها أغلب المجتمع.. ".
