لم يكتفِ بالسرقة.. هذا ما فعله مصطفى أبو تورتة بعد هروبه من حفل خطوبته
"مصطفى أبو تورته.. سرق التورته وجري"، انتهالت التعليقات على منشور لفتاة تدعى نهال بعدما روت قصتها مع مصطفى أبو تورته الشاب الذي سرق فرحة قلبها يوم حفل خطبتهما، غير مبالي لما يحدث لها ولا مهتم بما سببه من إحراج لها ولأهلها، مدعيا بأن خاله توفى وأنه لم يرغب في الزواج منها نظرا للمشاكل التي كانت بينها وبين والدته قبل يوم الخطوبة، ولم تعلم الفتاة المسكينة بما يفعله الشاب يوم حفل الخطوبة فقال لها أنه يحضر لها مفاجأه ولكن المفاجأة المنتظرة ليست سارة على الإطلاق بل جعلتها تقرر فضيحته عبر مواقع التواصل الاجتماعي وتتجاوب معها الفتيات وقاموا بالواجب مع مصطفى أبو تورته، والأمر الذي جعل الموضوع يزداد سوءا هو أن الشاب بعدما قام بسرقة التورته والشبكة وخرج بحيلة غير منطقية من حفل الخطوبة هو أنه راسل الفتاة عبر الفيسبوك وجاءت مضمون الرسلة أنه فخور بفعلته، وأنه علمها درسًا لن تنساه، قائلًا؛ "ألف مبروك يا عروسة، عشان تبقي تسمعي كلام اللي حواليكي كويس، يا رب تكوني مبسوطة، والقلم يعلمك ازاي تتعاملي مع اللي بعدي".
قصة أثارت اهتمام الجميع، وأثارت غضب فتيات السوشيال ميديا، وهذا بعدما قاموا بقراءة المنشور الذي كتبته نهال الفتاة الذي تركها مصطفى أبو تورته يوم حفل الخطوبة حيث كتبت "كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما طلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي، اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش واحدة فيهم جت بركتلي وقولت أمشي اليوم".
وتابعت الفتاة: "كل ما أقوله فين الشبكه اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال أيه خالوا تعب! في يقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيطلم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان".
واعربت الفتاة عن استياءها الشديد من الموقف الذي فعله مصطفى ابو تورته والأذى النفسي لذي سببه لها قائلة "كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل".
وقالت هيام محمود محمد، "مصطفى أبو تورتة كسر فرحتها إن شاء الله داين تدان ولو بعد حين الدنيا دوارة بكرة تتجوز غيرها وتخلف وتلاقيه في بنتك دة طبيعي ولو مكنش في بنتك في صحتك المهم ربك بالمرصاد يا حيليتها".
وسخرت هند محمد من الموقف، قائلةً؛ "الفيس بوك عندي كله عن مصطفى اللى ساب خطيبته في الكوشه، وسرق التورته وراح لخاله العيان، الواد اتعمل منه بتتس محمره، البنات قاموا بالواجب وزيادة، حقك رجعلك يا بنتى".
