إزاي تسافر سويسرا 11 يوم بـ 3 آلاف جنيه ؟

دائمًا بتسأل إزاي تسافر بره؟ دائمًا بتحط عقبات أولها الفلوس وتقول مش هينفع أسافر.. رغم أنك ممكن تسافر بأقل الإمكانيات بس محتاج شوية بحث، محتاج تجاوب على شوية اسئلة جواك أولها هتسافر فين؟ ده أول سؤال أنت محتاج تسأله لنفسك، نفسك تروح فين؟ وبعد ما تعرف نفسك تروح فين، تجاوب على سؤال .. هروح إزاي؟ خلونا في أول حلقاتنا نتكلم اننا هنسافر أوروبا وتحديدا "سويسرا".

أول كلمة هتقولها جواك "ياراجل" .. هل هنقدر نسافر بره بـ 3 آلاف جنيه بس؟ ومش أي مكان في العالم.. ده سويسرا.. عارف يعني ايه سويسرا .. بلد الشيكولاته.. بلد بازل اللي طلع منها محمد صلاح.. هجاوب عليك وأققولك أه، هتقدر تطلع لسويسرا بـ 3 آلاف جنيه بس..

إحنا ناخد ميني باص للغردقة بـ 250 جنيه، ومن مطار الغردقة هناخد طيارة اسمها "Easyjet" هي شركة طيران بريطانية خاصة، تعمل بنظام الطيران منخفض التكلفة، يقع مقرها الرئيسي في مدينة لوتون شرق العاصمة لندن، ونحدد رحلة رايح جاي من الغردقة لجنيف، 8 فبراير 2020 إلى 19 فبراير 2020 هتكلف "81" دولار ما يساوي 1338 جنيه مصري – قيمة الدولار دلوقتي 16.53 -، كدة لحد دلوقتي التكلفة تساوي 1588 جنيه.

هندخل على موقع "hostelworld" اللي هو بالعربي اسمه "نزل"  منازل منتشرة في العالم كله، هدفها توفير بيوت للإيواء، يمكن للضيف ان يستأجر سريرا أو غرفة خاصة لوحدك، الغرف يمكن ان تكون مختلطة أو لجنس واحد، وهنبدأ نختار الأنسب لينا .. يعني مثلا أقرب للمدينة، كلما أبتعدت كلما قل المقابل المادي، أنا اخترت هويستل اسمه "nyon hostels" تقييمه 9.2 بيبعد عن جنيف بـ 22 كيلو، وعن لوزيرن بـ 34 كيلو، 13 دقيقة من جنيف بالقطر أو بالعربية، وبرضة 23 دقيقة من مطار جنيف بـ القطر، مقسمين الأوض عندهم لنوعين حاجات جماعية، ودي اليوم فيها هيبقى بـ 500 جنيه وطبعًا ده رقم كويس بس للي بنتكلم عنه كبير وهكذا تفضل تدور الأنسب ليك..

رسوم فيزا سويسرا بتكون بحوالي 20 إلى 25 يورو، بتملي استمارة طلب الحصول علي تأشيرة من (Schengen visa application)، وبتحتاج جواز سفر ساري لـ 6 شهور، صورتين بخلفية بيضاء، حجز مؤكد للطيران والفندق، حساب بنكي يغطي تكاليف السفر والاقامة بسويسرا، وثيقة تأمين صحي معتمدة.

لازم تعرف أن أجمل حاجة في سويسرا أنك تمشي على رجلك وتتفرج على الأبداع، لازم تزور مصنع الجبن في جليير، بحيرة ليمان اللي خلفها جبال الألب، نافورة المياه الأصطناعية للي بتعبر رمز لمدينة جنيف، زيارة القلعة، ومصنع الشيكولاته جلاير بروك، متحف الساعات والتاريخ، تلفريك دو ساليف اللي هتشوف جنيف كلها من فوق، ومن أشهر المطاعم الرخيصة بالمدينة مطعم اسمه "سراي" في الشارع المقابل لمحطة cornavin، ودور دائمًا على الحلال هتلاقي محلات شاورما ومعظمها محلات تركية، فيه مطعم تركي حلو في الشارع الخلفي لفندق الكمبنسكي، المحلات أشهرها مركز تسوق البلاكسيرت وهو عبارة عن مجمع تجاري مغلق وفيه محلات ماركات كثيرة.