سما المصري تواسي محمد صلاح عقب خروج المنتخب: "ماتعيطش دموعك غالية علينا"
واست الفنانة سما المصري، النجم محمد صلاح لاعب منتخب مصر وليفربول الإنجليزي، بعد خروج الفراعنة من بطولة كأس الأمم الأفريقية 2019، مطالبة من الجميع الدعم والوقوف بجانب محمد صلاح.
ونشرت سما المصري عبر حسابها الخاص على موقع "إنستجرام"، صورة لمحمد صلاح وهو يبكي بعد هزيمة المنتخب والخروج من بطولة أمم أفريقيا 2019، وعلقت قائلة: "ما تزعلش يا بطل معلش ما تعيطش دموعك غالية علينا إحنا شعب كده لازم أي حد ناجح نهد فيه ونفشله مهما عمل عشان كده إنت ناجح بره مصر.. ناس ما بترحمش".
وتابعت: "إنت وزمايلك رجالة بس تخاذلتم شوية عشان عشمنا فيكم كان أكبر من كده.. معلش.. تتعوض.. ومصر ماخسرتش مصر فازت بتنظيم بطولة كبيرة في وقت قصير جدًا، وفازت بجمهور كبير وعظيم ومحترم قدر يرجع الاستاد تاني".
وأضافت: "يا رب كل شباب الألتراس يرجعوا تاني الملاعب، ويملوا الدنيا تشجيع، منظرهم كان يفرح، ويشرح القلب إمبارح، وشكرا كابتن محمد فضل ع التنظيم، ومع السلامة يا أفشل اتحاد كرة جه والقلب داعيلكم".
وإختمت: "أحسن حاجة حصلت إن الاتحاد ده استقال وأنا قلت إنهم لازم يمشوا بعد الخروج المخزي مبكرا من كأس العالم بس كله بأوان.. يا رب بأه منظومة رياضية جديدة تشرف البلد ونرجع لبطولات زمان والاتحاد ينضف.. ادعموا محمد صلاح".
