شاهد.. سرقة إمراة في محل تجاري.. وزوجها: "مراتي اتسرقت وأنا واقف جنبها" (فيديو)
تداول رواد موقع التواصل الإجتماعي "فيس بوك" مقطع فيديو، لقيام عصابة مكونة من سيدتان وطفل بسرقة الهاتف المحمول من حقيبة سيدة وزوجها في إحدى محلات الملابس التجارية المشهورة.
حيث يظهر الفيديو قيام إمرآة بالتحايل على الضحية وسرقة الهاتف من حقيبتها دون أن تشعر بيد تمتد داخل الحقيبة، فيما أظهرت كاميرات المراقبة المشهد كاملاً، وكيف قامتا السيدتان بسرقة الهاتف.
ويروي زوج الضحية "عبدالرحيم" ما حدث قائلاً: "مراتي اتسرقت وأنا واقف جنبها، وحولينا خمسه من الناس اللي شغالين في المحل، والشنطه اتفحت والتليفون اتسرق في ثانيه وما حدش خد باله".
وأوضح: "المرعب في الموضوع إننا قاعدنا حوالي ساعه إلا ربع جوه المحل والناس ديه كانت متبعانا ومركزه، يعني ناس فاهمه هيه بتعمل إيه كويس حتى الواد الصغير ده متدرب كويس قوي وكان عارف إزاي يشغلني وما أخدش بالي منه".
ويستكمل: "الغريب بقي إني لما روحت أبلغ قالولي للأسف دول مش مسجلين، طب ما حضرتك ملامحهم واضحة وممكن تيجبهوم علشان الموضوع ده ما يتكررش وبعدين واضح حضرتك إن دي عصابه مش حد بيسرق كده وخلاص، طب حضرتك اعمل محضر وهات علبه التليفون واحنا هنعملو تتبع".
واختتم: "طبعا الباقي مش لازم أحكيه أنا مش فارق معايا التليفون يرجع ولا ما يرجعش أنا فعلا اللي فارق معايا إن الناس دي تتمسك علشان ده ما يحصلش تاني شير وافضح علشان ما يحصلش كده معاك".
