الكينوا لغذاء صحي واقل سعرات
ناس كتير متعرفش الكينوا، مع إنها من أكتر العناصر اللي بتساعد علي حرق الدهون، ممكن نقول عليها حبوب سوبر لانها غنية بالأحماض الأمينية الأساسية اللي بيحتجها جسمك و غنية بالألياف و الفيتامينات، بس لازم تكونوا عارفين إزاي تدخلوهابطريقة صح في نظامكم الغذائي، عشان كدة هنقدملكم وصفات سهله تبدأوا تدخلوا بيها الكينوا في نظامكم الغذائي.
الكينوا تبولة:
كلنا بنحب الأكل اللبناني، خصوصا التبولة …هنخليك تعملها من الكينوا.
المكونات:
2 كوب من الماء
1 كوب من الكينوا
قليل من الملح
¼ كوب من زيت الزيتون
¼ كوب عصير ليمون
½ ملعقة صغيرة من ملح الطعام البحر
والخيار مكعبات
الزيتون الأخضر مكعبات
2 الجزر المبشور
1 البقدونس الطازج المفروم
الطريقة:
هنغلي المياه و نحط فيها الكينوا و الملح، غطيها و سيبيها تغلي علي نار هادية لمدة 15 دقيقة، سبيها تبرد و بعدين قلبيها بالشوكة.
هتخلطي باقي المكونات و تحطي عليها الكينوا بعد مبردت… و استمتعوا بالكينوا تبولة.
سلطة المانجة بالكينوا:
دي وجبة للغدا سهلة و سريعة و صحية:
المكونات:
½ 1 كوب مرقة فراخ
¾ كوب الكينوا
1 ½ ملعقة صغيرة من الكاري
¼ ملعقة كبيرةمن بودرة الثوم
½ ملعقة كبيرة ملح
¼ ملعقة كبيرة من الفلفل الأسود
1 مانجة متقشرة متقطعة مكعبات
3 بصل أخضر مفروم
الطريقة:
اغلي الكينوا في مرقة الفراخ مع الكاري، و بودرة الثوم والملح والفلفل على نار عالية. وبعدين وطي النار و غطيها لمدة 15 دقيقة.
سبيها تبرد في درجة حرارة الأوضة،و ضفيلها المانجة والبصل. بالهنا و الشفا 🙂
