نجل المعزول: سيدة قالت لأبويا "ياللي دقنك منورة"
قال أسامة مرسي - نجل الرئيس المعزول محمد مرسي - "النهاردة بعد صلاة الفجر روحت اشتري فاكهة من فكهاني أول مرة أدخل عنده.. نقيت شوية موز وست مسنّة جدًا هي اللي بتوزن وتبيع، وفجأة شوية تين برشومي من اللي رصاهم للعرض وقعوا لوحدهم فلميناهم سوا وبعدين قالتلي منه لله اللي غلّا الحاجة وخلا الناس تبقى عينها في حاجة نفسها تجيبها لعيالها ومش معاها".
وأضاف "مرسي" - في منشور على صفحته الشخصية بموقع التواصل الاجتماعي - "فقلتلها معلش يا أمي ربنا يفرجها.. قالتلي ده ذنب الراجل الطيب اللي محبوس، هو وكل اللي زيه قلتلها ادعيلهم يا حاجة يمكن دعوتك تصيب، إن شاء الله فقالتلي بدعيله والله ده ابني مهندس وبيحب مرسي جدا.. روح يا ريس مرسي ده ربنا اللي خلق الظلم، خلق معاه العدل، يارب يجعل في بقك سكرة، وفي قلبك جوهرة، يا راجل يا طيب ياللي دقنك منورة أنت وكل اللي زيك".
واختتم "مرسي" منشوره بقوله: "من ساعتها وأنا في حالة بشر وانتعاش وسكينة.. والله يا أبي لن يضيعك الله".
