"آسف يا ريس" عن أزمة لبن الأطفال: "مبارك هو اللي أكل الجبنة"

علقت صفحة "أنا آسف ياريس" المؤيدة للرئيس الأسبق حسنى مبارك، على أزمة اختفاء عبوات ألبان الأطفال المدعمة من السوق وارتفاع سعر القليل المعروض، بسخرية وذلك تحت عنوان "مبارك هو اللى أكل الجبنة".

وقالت الصفحة عبر موقع "فيس بوك": "مبارك هو اللى أكل الجبنة، مبارك اللى مشى من 6 سنين هو السبب في اختفاء لبن الأطفال دلوقتى، السبب في ارتفاع الأسعار دلوقتى، هو السبب في أن الدولار بقى 12 جنيه دلوقتى، هو السبب في أن الدين العام يوصل لـ2.3 ترليون دلوقتى، هو السبب هي ضياع السياحة دلوقتى، هو السبب في فضيحة صوامع القمح دلوقتى، هو السبب في أي سوء إدارة دلوقتى، هو السبب في أي فشل سياسي دلوقتى، هو السبب هو السبب في فشل إقتصادى دلوقتى".

وتابعت الصفحة: مبارك هو السبب في أن الدين العام يتخطى الـ100% من الناتج المحلى دلوقتى، هو السبب هو في أننا بناخد أكبر قرض في تاريخ مصر دلوقتى، هو السبب في إلغاء الدعم دلوقتى ، هو السبب في ضريبة القيمة المضافة دلوقتى، هو السبب في التنازل عن تيران وصنافير دلوقتى، هو السبب في الضرائب اللى زادت 200% دلوقتى، هو السبب حوادث الطرق دلوقتى، هو السبب هو اللى بيخسر البورصة دلوقتى، هو السبب هو اللى لم 86 مليار من شعب مش لاقى دلوقتى".